“Pallavi 🤍 – The White Heart”

 Kab kya kyu aur kese hota hai ye sirf shri hari ke chor kisi ni pata hota… thik vese hi mujhe bhi ni pata tha ki Pallavi ka u mere zindagi kuch pal ka yaade chor ke jana.. mujhe Zindagi ki kuch yaadgar lamhe de kar dur jana.. mera toh na jane uskay kuch din tak kya hi haal tha.. mujhe sirf wahi last ka kissa baar baar dimag mai ghumta rahta.. uska bye bolna.. history ko sun mujhe yaad karni wali baat.. uska wo last turn and smile.. uffffff..

Jisko bhi mai ye kissa sunnata tha wo sirf ek cheez hi bolta ki.. bhai! Number kyu ni liye? aur mai har baar sirf ek hi answer deta… ni pata yrr! himmat hi ni hua.. aur number usnay bhi toh ni manga tha… ye bas do strangers ki mulakat thi jo baas sirf tab tak simit thi jab tak wo train apnay destination na pahuch jaati…

Abe hatt yrr.. tu saale single hi marega!! ladhki etna hint di toh thi… tu bel budhii hi rah jayegaa…..

Kher.. din beete.. hafte beete.. back to normal life.. wahi college.. wahi roj ka schedule.. aur essi bhaga dori mai mujhe kaha Pallavi yaad rahti.. mai toh shayd uski shakal bhi dimag aur dil dono se halka dhundhla kar chuka tha…

College mai meri ek senior thi… Khusboo Chaudhary.. wo mere liye sabkuch thi delhi mai.. meri mentor, meri badi sister, meri dukh sunne ki ek jeeti jaati machine.. machine ess liye kyuki wo bechari apnay kaam mai etna ghuli mili rahti jese wo ek machine se kaam na hoo.. mene shayd hi koi etna mahanti dekha ho padhai field mai… haa unka luck unkay favour mai shayd tha nii lakin ek jazba toh tha hi jo unko haar baar gir ke jarur khade rahni ki prenna deta.. shayd essi liye wo mere etnay kareeb thi kyuki mai unmay apna tennis struggle ko feel kar sakta tha……

Kher… ek din mai Khusboo didi ke pass gaya aur bola didi..

Kya hua shri? unhone bade pyar bhav se bola..

Didi.. mera man kar raha ki ek baar Pallavi ke college ki taraf jau kya pata wo sach bol rahi ho.. kya pata wo ussi college mai hi ho? kya pata wo mujhe mil jaye? Kya pata humari dosti sach mai ho jaye?

Khusboo didi bahut tez haasi aur baas etna boli ye aachanak se  kha majnu  umad pada umahre dil mai sir….

Mai thoda sharmate hue bola – are didi aap bhi na.. mujhe toh aap janti hi ho.. ye sab mere baas mai kha..

Ha ha mai sab janti hu.. etnay baas main na hota toh tum kab ka ussay dil se niakal diye hote….

Chalo batao kha aur kese achanak se uska khyal aaya?

Didi wo jo Kushang hain na mera dost.. wo aaj yese hi baato bato mai mujhe kaha ki shrkant dekh yese toh mujhe aur tumhay hum dono ko pata tha ki ladhkiya number pahle ni deti par dekh galti toh tumsay bhi hua.. number toh tumhay mangna chahiye tha.. par kher abhi bhi  bahut der ni hua …ek rasta hai..agar tum usay bataye hue college pe chalo..aur agar wo sach mai wahi padhti hai toh eska matlb uska hint saaf tha ki wo tumhay waha bula rahi hogi…

Khusboo didi thoda smile karte boli hey Bhagwan ye ladhko ki tharak panti kab jayegiii… tumhay kya pata wo kya sach mai wahi padhti.. aur agar waha jaoge bhi toh dhyan dena beta girls college hai.. pittaoge alag waha.. aur stalking ke case mai andar jaogoe so alag..

Areee didi yrrr tum yese negative vichardhara na daalo..

Baas batao kya karna chahiye…

Are paglee karna kya chahiye…. Mere mana karne ke baad bhi tum uskay baare mai soch rahe.. ab kya mana karne ke baad tum jese maan hi jaogeee.. jao ho hi aaao waha se.. kar lo apni jawani ka ye kissa bhi pura… par dhyan dena thoda sambhal ke jana aur haa thoda dhyan se… sunnah ai dilli police stalking case ko kuch jyada hi interest se deal karti hai.. aur kahi phas jana toh jail ki roti ka swad bhi chakhe anaa..

Are na didi shri hari hain a mere saath.. sab kuch acha hoga

Chalo jaao.. aane ke baad mujhe batana kya hua.. all the best mere chote majnu bhai…..

Hihihih…. Shukriya didi…

Phir kya mai aur kushang aur aryan.. hum teeno hi nikal padhe.. uss advanture pe jiska naaa jane kya parinam hona tha.. aur jiska mere aane wali kuch mahine mai mujhe zindagi ka wo kala pura sach malum hone wala tha.. jiska pahal mane shuru kar diya tha…….

Hum teeno college ke gate pe utre — woh gate jo dekhne mein bada sa aur thoda sa daravana tha, jaise kisi secret club ka entrance ho. Girls college tha — unchi deewar, security cabin aur ek lambi line of girls jo break ke baad wapas class ke liye aa rahi thi. Maine dil ko sambhala, par dil ka haal? Bilkul train ke uss last smile jaisa — hilta hi nahi.

Kushang haste hue bola, “Arre tension mat le bhai. Thoda desi drama karenge — tu baseline pe khaada reh, agar nazar padhi to baas bol dio . Aryan, tu camera ready rakhna, proof ke liye. Agar kuch hua to hum viral kar denge — #ShriFindsPallavi.”

Aryan ne ek confused face banaya aur bola, “Yaar viral mat bana. Bas agar woh wahan dikhe toh chup chap observe karna, stalk mat karna. Khusboo didi ne sahi kaha — police ka case se bach ke.” Haath be phatu.. Haryanvi kab se phatu ho gaye.. kushang nay masti li.. palat ke Aryan maje mai bola hath be Bihari… tujhe adat hoga police ka damad banne ka mujhe ni….

Humne gate ke baahar thodi doori pe park karke plan banaya. Kushang ne ek innocent sa idea diya: “Main jaa ke boundary ke paas library ke gate pe khada ho jaunga— wahan se hum campus dekh sakte hain. Tu bas ready rehna. Agar woh wahan ho toh dekhoonga kaise reaction aata hai.”

Aur phir maine usse dekha — Pallavi. (Haan, wahi — jiski yaad mere dimaag se mit jaane wala tha magar dil se kabhi jaa hi nahi sakta tha.) Wo campus ke andar chal rahi thi, ek group ke saath — simple kurti, pallu thoda sa pleat mein, aur wohi woh last smile jo train mein thi, lekin is baar zara sa composed. Uska face thoda alag sa tha — campus light aur busy schedule ne uski energy ko kuch alag kar diya tha — phir bhi jab usne mujhe dekha, kuch second ke liye samay wahi ruk sa gaya.

Maine apne pair zameen par rakhe, par aisa laga jaise pair mere ude jaane ko taiyar hai baas. Kushang ne koni marte kaha : “Bol abhi, warna yeh moment bhi kisi meme mein badal jayega.”

Maine ghabra ke chalne ki koshish ki, par security guard ne muskurate hue bola, “Bhai, yahan male entry restricted hai. Agar aapka koi official ka kaam nahi hai toh please bahar hi intazaar kijiye.” Maine socha — kya ab peeche mud jaun? Par tabhi Pallavi ne apni group se dur hote hue gate ki taraf dekha aur — haan, usne mera naam nahi liya, par usne wahi half-smile diya jo pehle diya tha.

Maine hawaa mein kuch bol diya, kuch behuda: “Pallavi…?” Usne ruk kar mujhe dekha. Uski aankhon mein thodi hairani, thodi curiosity. Wo campus ke gate ke paas aayi, uske doston ne thoda distance Rakha …

“Aap…” usne shuru kiya, aur phir muskura kar boli, “tum wohi ho na — train pe jo…? Acha laga, waise aise log kam milte hain.” Uski awaaz mein na warmth ka overload tha na dismissal — bas ek polite distance, jaise conversation ko safe frame mein rakhna ho.

Mera dil zor se dhadak raha tha. Maine apna haath thoda aage badhaya, “Main Shri… aur main —”

“Shri,” usne repeat kiya, jaise naam ko bookmark kar rahi ho. “Haan mujhe yaad aaya. Mujhe acha laga tumne woh line share ki thi — about small moments.”

Hum dono ke beech do-line ka silence pada. Main kuch bolne hi wala tha ki Kushang ne peeche se cheekh kar bola, “Bhai, abhi jao milta hai—” aur phir khisak kar gir gaya — haan, thoda sa dramatic, par uss choti si harkat ne atmosphere ko tod diya.

Pallavi hans padi. Usne ek choti si nod ki, “Acha, aap yahan ho, par main ab class ke liye late ho rahi hoon. Thank you for the conversation on the train — wo achha tha.” Usne thoda sa sukkon wali hua smile diya — friendly, guarded. “Number?” usne ek teasing tone mein pucha.

Mera gala ekdum hi sukh gaya. Maine socha agar abhi na loonga toh kahan se loonga? Par phir kuch hesitation — ya shayad sharm — ya woh ‘himmat hi nahi’ wala purana jawab — nikal pada: “Main… number lene ki himmat nahi kar paya tha.”

Pallavi ne thoda aur muskuraya, phir bola, “Koi baat nahi. Kabhi kabhi cheezein bas pal ke liye hoti hain. Par agar tum sahi matlab se milna chahte ho toh college notice board dekh lena — main student council activities mein involved hoon. Agar tum sincerely aao, shayad mil hi jayenge.”

Wo bol kar aage chali gayi. Uske doston ne uska haath pakad liya aur campus mein ghus gayi. Main wahi khada reh gaya, Kushang aur Aryan dono mujhe ghoor rahe the — Kushang ki aankhon mein victory, Aryan ka face relief se bharahua tha… ye dono yese chal rahe jese enhone koi jung jeet ke wapas aarahe ho…

Hum teeno wapas gaadi tak chale. Raaste mein Khusboo didi ka warning line mere kaan mein goonj rahi thi — “stalking ka case mat banaana.” Par is baar kuch alag tha — ek choti si umeed jag chuki thi, jo pehle train ke ek pal mein dhal ke reh gayi thi.

Maine notice board ka naam apne dimaag mein likh liya. Aur dil ke ek kone mein, ek choti si muskaan — jo shayad pehli baar thi jab main kisi ko actively dhoondhne ki soch raha tha, na ki bas yaad karne ki…..

Aab dekhna tha ki jaaye kese uss event tak…. Uskay liye mujhe pahle apnay college mai select hona padega…..

Event ? wo toh mene Mime Act ko chuna.. ye easiest bhi tha aur competition bhi kam tha…

Anyhow mene apna spot fix kiya.. aur aab taye tha jana.. akhir wo ghadi aagai jab mai Pallavi ke college mai enter karta..

Dimag aur dil dono mai bahut kuch chal raha tha.. lakin filhal mujhe kissi tarah palavi ko dhudhna tha aur ussay baate karna tha… my only goal of that moment..

Mai apnay mime team ke saath hi tha.. ki piche se ek awaz aai ki mime act dusray classroom mai hoga.. ye awaz jisko mere dil ki kab se talash thi.. ye wahi awaz thi jiskay liye mai apnay dil ko etna ghumaya... ye wahi awaz tha jo mujhe pichle 1 hafte se sone na de raha tha…

Uffffffff…. Agar mai mime act na karta toh mera baas hota ki jaha jaha wo awaaz jaye mai uskay piche chalta jau….

Mai piche mudha aur meri aakhe siddha Pallavi ki aankho se milli ....  aur mai kahi ghum si gayaa..

Pallavi mere paas aake boli…..

Hii shri.. good to see you here? Mime aah? uski awaaz mai ek formalised sa tha jo sirf ek event organizer mai hota hai.. reason simple tha.. bechari aaj bahut pareshan hogiiii… lakin uskay bawajud bhi ussay mai yaad tha..

Kher mene bhi bola.. hii palavvii… looking tensed today.. jyada bhaar utha li kya…. Hahaha.. chutiya toh mai Janam se hu shri…

Wo ek ajeeb sa look di aur palate wakat boli ki chalo event khatam hone ke baad milte hai.. aur haan aaplogo ka event 3b classroom mai hai…

Aaplog jaaaeye.. officials wahi aapko guide karnenge..

Aab bhai meri phatti.. literally meri tooh aab jaan sukh gaii.. kyu? event hone ko hai aur Pallavi jarur waha hogii…. Mai karta bhi toh kya.. high tension.. high pressure.. bhai sahab puri dagi padhi thi…

Jese jese hum class room ke paas ja rahe vese vese mere dil ki dhadhkan badti jar ahi thi…

Pressure leta bhi toh ahir kyu ni.. kisi mahanpurush nai sahi hi kaha hai “you will never get a second chance to build your first impression’’

Bhai aab mai plan banana laga ki kya karna chahiye.. lakin mere baaas mai sirf act tha jo ki mene kiya aur wo bhi achaa……

mujhe bilkull bhi sharam na thi aab . kyuki mujhe toh uss performance ki baas ek jhakal yaad aarahi thi.. humari act aur palaavi ka humari act dekh ke taali bajana… mere liye toh baas utna hi kaafi thaaa..

Saare event khatam hue.. aur shaam tak sab free hogaye.. mai wahi bahar khada same road pe jaha mene Pallavi ko kuch din pahle dusri baar dekha thaaaa…..

Pallavi kuch der baad aai aur apnay dosto ko bye bol thodi distance maintain kar mere paas aaai… aur aate hi boli ki aaj tumnay aacha kiya shri…..

Mene ek sukun si simile se thank you bola..

uski awaaz shaant thi, jaise bas casually baat kar rahi ho, lekin ek pal ke liye uski aankhon mein kuch chamka — shayad thoda sukoon ya curiosity. Usne jaldi se nazar hata li, jaise zyada kuch dikhana nahi chahti thi. Phir halki si muskaan ke saath boli, “Mujhe ni pata tha ki history wale mime act bhi kar sakte hai.”

Main muskuraya, uske lafzon ke beech chhupi tension mehsoos karte hue. “History kabhi kabhi humein khud bhi surprise kar deti hai... you never know what we are capable of.”

Wo bhi muskurayi, thoda guarded par sachchi muskaan thi. Uske ungliyaan uske dupatte ke kinaare se khel rahi thi. Thodi si halki awaaz mein dobara boli, “Mujhe ni pata tha ki history wale mime act bhi kar sakte hai.” Thoda ruk kar, almost teasing tone mein boli, “Number?” jaise test kar rahi ho.

Pallavi ki muskaan thodi naram pad gayi, jaise samajh rahi ho. Usne seedha meri taraf dekha, aankhon mein thoda warmth aur ek guarded hope thi. Phir thoda sa mud kar boli, “Koi baat nahi….. etnabhi bada kaam ni tha …. Ni pata ladhke esko etna bada kyu bana dete hai….ussi din maange toh ussi din de detii na..

Etnay may pallavi—pallavi kar uskay dost dur se chillane lage.. bygod mujhe badi gussaa aai.. mera baas chalta toh unki jaban Halak se nikal kar unahy hamesha ke liye bejuban bana deta….

Par ni tha baas mai.. may badi dheeme awaz mai bola.. shyad aapko late ho raha.. hum kisi aur din miltay hai…

Etnay main a jane kya chamatakar hua.. wo thode excited way mai apnay dosto ko boli.. aai baas 1 min….

Aur turant mera phone mangii.. ki apna phone do ?

Mai jhat se diya jese ki agr ni diya toh wo kahi man na badal le ... aur kya dekhta hu.. wahi jo … har ladhke ki ek choti si pyari si unwanted khwaish hoti hai.. wo apna number dial pad mai daal ke phone mere haath mai pakadda ki dhire se mud gai.. aur jaate jaate boli.. accha laga aapsay baat kar ke….

Wo dhire dhire waha se chali gaii…… uski baate.. jese mere dil mai baas samaye jaaye rahi thi…. Na jaane kesi feeling thi ye …

Mere haath ki ungaliya kaamp rahi thi.. mai thik se phone pakad bhi ni paraha tha……

Uska number dekhe na jane mujhe kya ho raha tha…

Mene sabse pahle number ko copy kar telegram pe paste kiya ki kahi ye delete na ho jaye..

Phir uska naam mai save kiya phone log mai.. PALLAVII ❤️….

Mujhe kul 3 din lage ussay pahla message bhejnay mai…

Main screen ko ghur raha tha — chat khuli hui thi jaise koi khidki aadhi khuli chhod dia ho. Pallavi ka naam conversation ke upar blink kar raha tha. Main kuch aisa shuru nahi karna chahta tha jise main khud poora kar na paau, isliye mera angutha “new message” button ke upar hawa mein hi atka raha — dil mein ek bachpana sa impatience, aur dimaag mein ek bade hone ka darr.

Lakin badi himmat aur himmat ke baad mene likha ye soch ke ki dekha jayega jo hoga so hoga……

Shri: Hey?

Ye lafz halaki bahut chote the par mere soch se zyada bhari nikal gaye — jaise main koi bojh utha raha ho jiska wazan mujhe khud ni uth paaraha. Aur phir, jaise maine socha tha, cursor “typing…” par blink karne laga — ruk gaya, phir dobara. Waqt kheenchta gaya, jaise har second ek saal ban gaya ho. Main sochne laga, Pallavi dusri taraf hogi — shayad apni desk pe, headphones lagaye hue, apni duniya aur meri duniya ke beech ek patli si rekha kheench rakhi ho. Phir uska message aaya.

Hii shri…

Mene chuaknay vyawar mai pucha … kese pahchana apnay….

Pallavi thode samay baad likhti hai.. aur kon hi etna samay lagayyegaaa…

Me- Mai kuch samjha ni..

Pallavi- kuch nii.. aur batao kya chal raha….

Me- kuch khaas ni wahi roj ka schedule.. college – assignments- sleep

Pallavi- good good … mera bhi kuch yesa hi chal raha….

Aur uhii humari baate chalti gaiii.. ek cheez toh tha … mai uska message 1 sec mai reply karta aur wo thoda time lagati.. jese ki batana cha rahi ho ki mere kuch boundaries hai.. kesi baoundariess ye aab mujhe pata karna tha….

Kher.. humari uss din baate bahut der tak hui.. aur agle din bhi uska message samanay se aaya… yesa silsilla roj ka hone laga

Humari baate endless thi.. wo roj ke kisse sunaati.. aur mai apnay kissay.. ki kya hua kese hua …etc etc

Mera har movement ki khabhar hogaya tha pallvi ko.. ki mai kab college jata, kab mai ghar aataa.. kab mai library jata… kab mai khelnay jata etc etc…

Vese ho toh mujhe bhi ho gaya tha kuch yesa hi …. Mujhe sab pata rahta ki kab wo college jaati.. kab wo kaha jati ….

Yese hi humari baate ko kab 2-3 mahine hog aye mujhe pata hi ni laga…

Ess bich hum kai baar alag alag jagah mille, kabhi library mai, kabhi kisi cultural event pe, kabhi book fair saath mai jaate, toh kabhi uskay shooping mai bhi help kar deta coffee shop toh almost regular sa tha….

Mujhe 3 mahino mai yesa lagnay laga ki jese mujhe uski adaat si ho gai… mai koi bhi kaam karta ussay jarur batata …

Mujhe kuch sharam haya na bachi thi….. yaha tak ki mai Khusboo didi se bhi kam milnay laga…. Unko sab dikh raha tha.. par wo ess baar mujhe samjha nahi rahi thii.. shayd unkay maan mai kuch chal raha tha.. shayd unhay kuch pata tha.. lakin mujhe batana ni cha rahi hungiii…

Ek din Pallavi ka message aaya ki shri.. tum kal kya 3 baje patel park mai miloge..

Yese toh milna aab normal hogaya tha par ess baar thoda alag tha.. alag ess wajah se kyukii ye 3 baje wali timing pe hum kabhi ni mile the… ya toh shaam ko ya toh subah hi rahta tha….

Mere maan main a jaane kya kya banwalai pullav paknay lage… kuch bhi soch raha tha..

Bahut nervousness sa lag raha tha….

Par kya karta milna toh tha hi. Aur agle din raja babu gadho ki tarah taiyar hue chal diye…

Aur ess baar mene saath mai 2 khatchar bhi liye apnay sang… aur kon wahi dono kushang aur Aryan…

Kushang aur Aryan nay toh kuch Jayada hi soch liya tha.. ki aaj toh Bhabhi set.. aaj humari Bhabhi pakka aayengii… Aryan toh esss baar bola bhai cab se jayenge.. bhai ki shaadi jo fix honi hai aaj..

Kher enki mauj masti toh yesi chalti rahti hai.. bhaisahab meri halat enki baate sunke aur hi kharab hui jar ahi thi…

Kher mai pahuch gaya time pe.. enka plan bilkull taye tha ki bhai Shrikant apnay target pe jayega aur hum dono piche kahi dur se dekhenge.. agar sab thik raaha toh hum kahi aur hi nikal jayenge warna dekhenge kya karna hai….

Mai ensay aab pareshan hogaya tha aur baas yahi khud ko kosh raha tha ki kyu hi enn gadho ko le aaya…..

Mai gate pe tha ki etnay mai Pallavi apany ek dost ke saath waha aati hai….

Aur aate hi mujhe introduced karti hai.. ki this is Shrikant and shrikant this is Abhishek my boyfriend…

What ? boyfriend …. (maan mai hi mai chillaya)

Mera dil jese wahi ruk sa gaya…. Halaki maine chahre pe haasi gayab ni ki… mujhe shayd ye ni dikhana tha ki mai ess baat se jaal raha.. Lakin ander jese ek yudh shuru hogaya tha.. maan mera tod dene ko tayaar tha. Uski aankhon mein wo baat saaf thi ki main ab sirf ek musafir hoon uski zindagi mein, aur woh kissi aur ke saath thi.

Thoda sa waqt laga apne jazbaat ko sametne mein. Kushang aur Aryan ki muskaan dekh kar, main jeet jaane wala aadmi lag raha tha, par andar sab kuch tut raha tha. Pallavi ne mujhe apna number diya, par uske baad ki baat alag thi. Usne mujhe dosti ka haath diya, par woh uske boyfriend ke saath apni ek alag dunia mein thi.

Woh pal meri zindagi ke sabse bade imtihaan jaisa tha. Dil chahta tha kuch bolein, kuch karein, par munh se bas ek shaant “Shukriya” nikla. Usne muskurate hue kaha, “Milte hain college main,” aur chali gayi, uske haath mein uska Abhishek ka haath tha.

Main uss raat lambe samay tak apne aap se baat karta raha — kya yehi hoti hai mohabbat? Ek aisi feeling jo kabhi kabhi hoti hai, kabhi kabhi adhuri rehti hai, aur kabhi kisi aur ke saath mil jaati hai. Shayad meri kahani yahi thi — ek mohabbat ki kahani jismein dard tha, umeed thi aur dhoka tha……..

Mujhe ni samjh aaraha tha ki mai karu toh kya karu….

Baas sabse dur rahnay ka man kar raha tha..

Na college – na khel… na kuch.. jese maine apnay aapko bandh kar diya ho jail mai..

Lakin wo kahte hain na ki jab aapko sabse low feel ho raaha ho tab ussi wakat shri hari kisi na kisi ko bhej hi dete hai…

Next day mera bell ring hota hai.. mai darwaza kholta hu toh smany Khusboo didi ko dekhta hu..

Unko dekhte hi mai apnay aap ko rok na paya aur rona shuru kar diya..

Shayd pichle 1 din ka wo aasu jo cheekh cheekh ke bol raha ho ki mujhe bahar aane do.. mujhe bahar aane do.. aab aur ni sah paaunga..

Khusboo didi mujhe sirf dekhte rah gaiii.. ek dum shant.. koi dilasa ni.. koi kuch nii baas ek tarfa bina kisi emotion ke mujhe dekhte rah gaii..

Shayd wo mujhe pura rona dena chahti thi.. mai roya aur roya bahut roya…..

Kareeb aadhe gahnto tak mera ye rone ka Silsila chalta gaya….

Jab mai thoda ruka toh jaake didi ka pahla awaz aata hai..

Aur batao sab thik?

Kyaa… sab thik!

Mai kya apni bidai mai ro raha tha ki ye maharani mujhse puch rahi sab thik?

Puri duniya ko pata lag gaya hoga ki kya hua mere saath.. aur ye madam didi puch rahi sab thik?

Agar kasam se koi aur ye cheez bolta toh mai ussay kut deta…..

Mera maan karne laga mai aur rouu..

par is baar Khusboo didi ne apna haath mere sir pe rakha. Ek aisi shaanti thi us haath mai… jaise poore dard ko kheench kar le gayi ho.

Wo dheere se boli, “Rone de, Shri. Rona galat nahi hota… galat tab hota hai jab tu apne emotions se bhaagta hai. Tu jise ‘end’ samajh raha hai na, wo bas ek comma hai… full stop nahi.”

Main chup tha. Didi ne sofa ke paas baithte hue bola, “Tu soch raha hai Pallavi ne tujhe dhoka diya? Nahi Shri, usne bas apni life ka rasta chuna. Aur tu… tu us raahe ka ek zaruri mod tha. Har connection ka matlab forever nahi hota, kabhi kabhi wo bas humein thoda aur mature bana kar chhod jaate hain.”

Main kuch bol nahi paaya. Sirf itna kaha, “Par didi… usne kaha tha na, agar sincerely milne aaoge toh mil hi jaayenge…”

Didi muskurayi, “Wo mila bhi toh tha, Shri. Bas tu ye samajh ki har ‘milna’ ka matlab pyar nahi hota… kabhi kabhi ek closure bhi hota hai.”

Unke ye lafz mere dil ke andar kisi mirror ki tarah utar gaye. Main chup ho gaya. Room mai ek ajeeb sa shanti tha jo sukoon se bhar gaya tha — jaise barish ke baad ka thoda thanda sa hawa.

Thodi der baad didi khadi hui aur boli, “Ab chal, naya semester start ho raha hai. Life ka chapter 2 likhne ka time aa gaya hai. Pallavi chapter 1 thi — aur acha likha tune. Ab dekh, next page par kya likha hai par yaad rakhna Pallavi nay tumhay sab sach dikhaya eska matlb ki wo tumhay dhoka ni balki tumhay ye hakikat dikhaaya ki tum bhi uskay saath ho par destination alag hai.”

“ek cheez aur agar ladhki samany se kisi se milwa rahi eska matlab wo chahti hai ki tum uska sab kuch jaano aur uss tarah phir apni dosti ko aage le jaoo … usko tumpar trust build ho gaya hai”

“mujhe ni pata ki uskay dil mai kya chal raha par shri etna mai samajh gaii ki wo tumhay ek acha dost samjhti hai essi liye shayd wo tumhay alag bhi ni karna chahti , aur har ladhki ki apni nizi Zindagi hoti hai .. ussay pura haq hai ki ussay kisko chunna hai aur kisko nii.. kisko apnay paas rakhna chahti hai aur kisko apnay se dur… usko pura haq hota hai boundary create karne ki “

“toh tum roou mat balki essay ek naya chapter samjho ki Pallavi nay tummay ek aacha insaan dekha .. aur tumhay apnay se dur na karne ke bajaye.. aur hi apany paas le aai. Kyu ki yaad rakhna dosti se badh ke koi Rishta ni hota.. rishte bante bidahte rahenge parantu ek dosti hi ek maatra ek saacha pyaar hota hai jo ki agar gahri ho toh marte dum tak log nibhate hai… toh feel lucky ki tumahy aab vesa mauka mil rha .. aur tumhay toh Pallavi ka saath pasand tha na .. toh essay acha mauka aur kya jaha tum aur Pallavi roj miloge ..roj baate hongi.. aur gahri baate hongi.. haa relationship toh ni par shyd ussay gahra Rishta ban jaye.. aur ek cheez aur agar maan lo ki tum log relationship mai aabhi jaate toh kya aage tak ho pata aur sabse badi baat mujhe ni samjh aata ki ladhko ko sirf ye kyu chahiye ki uski dost ya  bandi sirf ussi se baat karre unhay samjhna hoga ye baat ki unsay hi baat ho se aage badh ke unsay bhi baat ho.. yaaha tak ka difference jis din unhay smajhaayega tab dekhna Rishta aur kitna khil ke samnay aayega …. Toh abhi ye sab choro aur yrr shri tum toh mere chote bhai ho …. Tumahay mai kabhi yese situation mai ni padhnay dungii.. haa mujhe pahle se hi pata tha ki kya hogaa laikn tumhay uss samay roknay ka matlab ni banta .. aaj tumhay jo cheeeze samjh aarahi wo tumhay uss samay na samjh aati.. toh aab ye sab choro aur lag jao apnay misson pe .. ye tumhari didi ka hukum hai……

Unke jaane ke baad maine phone uthaya. Telegram pe woh number ab bhi save tha — PALLAVI ❤️. Maine screen dekha, thoda muskuraya, aur Pallavi 🤍 kar diya.

Kuch pal ke liye laga, jaise dil ke andar kuch band darwaze khul gaye. Mujhe laga main saans le paa raha hu, bina kisi regret ke.

Aur uss din ke baad, main fir se wahi Shri ban gaya — jo khwab dekhta tha, girta tha, par har baar uthta bhi tha.

Khusboo didi sahi boli thi — Life comma pe rukti nai hai, full stop pe rukhti hai………